Gair O Groeso Welcome
Annwyl Rieni,
Gair o groeso cynnes i bob un ohonoch i brospectws Ysgol Gyfun Gwynllyw. Pwrpas y llyfryn hwn yw eich cyflwyno i’r ysgol hon, gan gynnwys y manylion perthnasol a stadudol sy’n holl bwysig i’r rhieni presennol a rhieni’r dyfodol.
Mae dewis yr ysgol gywir i’ch plentyn yn hollbwysig. Mae rhieni’n awyddus i sicrhau addysg dda i’w plant ond maent hefyd am iddynt fod yn hapus a theimlo’n ddiogel. Yn Ysgol Gyfun Gwynllyw, credwn y gallwn gynnig pob un o’r pethau hyn mewn awyrgylch Cymraeg a Chymreig. Rydym yn ymfalchio yn yr addysg eang, gytbwys a llawn a ddarparwn yn yr ysgol hon, ac mae safonau uchel yr addysgu a’r dysgu yn dwyn clod i waith caled y staff a’r disgyblion. Yn yr un modd, rydym yn ymfalchio yn yr awyrgylch cyfeillgar a chydweithredol sydd bob amser i’w weld.
Ysgol Gyfun Gwynllyw yw’r unig ysgol uwchradd cyfrwng Cymraeg yn yr hen sir o Went. Yn yr ardal lle mae’r nifer lleiaf o siaradwyr Cymraeg yng Nghymru, yr ydym yn ymfalchio yn ein llwyddiant ac yn ein gallu i ddatblygu pobl ifanc sy’n hollol ddwy-ieithog cyn iddynt adael yr ysgol. Mewn sefyllfa debyg mae’n rhaid i’r ysgol lwyddo ac mae brwdfrydedd, egni ac ymroddiad y staff yn adlewyrchu’r dymuniad yma i gynnig addysg cyfrwng Cymraeg o’r safon uchaf.
Edrychaf ymlaen at eich cyfarfod yn fuan. Os oes gennych unrhyw ymholiadau neu bryderon, cofiwch gysylltu â mi unrhyw bryd yn yr ysgol. Bydd Rhian Wyn Dafydd Pennaeth Cynorthwyol Hyn, Mrs Janet Butcher, Pennaeth Cynorthwyol (Cofrestrydd Academaidd)Mr. Leighton Thomas, Pennaeth Cynorthwyol (Pennaeth yr Ysgol Uchaf) neu Miss Helen Rogers, Pennaeth yr Ysgol Isaf, yn fodlon iawn i ymateb i unrhyw gwestiynau neu ymholiadau.
Croeso i Ysgol Gyfun Gwynllyw
Yr eiddoch yn gywir
Mr. H. Ellis Griffiths
Prifathro